गोंदेगाव ता. सोयगाव : औरंगाबाद जिल्हा मध्यवर्ती बँकेचे सोयगाव तालुका संचालक आबासाहेब प्रभाकर काळे यांनी गोंदेगाव येथील वि. का.सोसायटी व जिल्हा बँक शाखेस भेट दिली. या भेटीदरम्यान त्यांचा सत्कार करण्यात आला. या सत्काराच्या वेळी बॅकेचे माजी सोयगाव तालुका संचालक श्रीराम चौधरी, संस्था चेअरमन डॉ.प्रमोद महालपुरे व खरेदी विक्री संघाचे चेअरमन नितीन बोरसे, बनोटी येथील सरपंच मुरलीधर पाटील, सोयगाव जि.म.बँकेचे लोन अधिकारी राजू काळे, रावने व जिल्हा बँकेचे कर्मचारी व गावकरी उपस्थित होते. सोसायटीची वसुली चांगली केल्याबद्दल सचिव सुनील पाटील व शिवाजी पाटील यांचा सत्कार करण्यात आला.
