वर्धा : वर्धा येथील एका दैनिकाच्या संपादकाला दहा दिवसांपुर्वी मारहाण करण्यात आली होती. एलसीबी पथकाने या घटनेतील मुख्य आरोपीस अटक केली आहे. रजत उर्फ लाला राजेश तभाने (28) रा. भांडे प्लॉट राणी भोसले नगर नागपूर असे अटक करण्यात आलेल्या हल्लेखोराचे नाव आहे. न्यायालयाने त्यास सहा दिवस पोलिस कोठडी सुनावली आहे.
19 एप्रिल रोजी रात्रीच्या वेळी पवनार रस्त्यावर अज्ञात आरोपींनी केलेल्या हल्ल्यात संपादक रविंद्र कोटंबकर जखमी झाले होते. या घटनेतील इतर आरोपीतांचा शोध सुरु आहे. या घटनेतील आरोपींविरुद्ध कठोर कारवाई होण्यासाठी पत्रकार संघटनांनी प्रशासनाकडे निवेदन दिले होते.
