डोंबिवली : डोंबिवली एमआयडीसीतील अंबर केमिकल कंपनीत आज सायंकाळी सव्वा पाच वाजेच्या सुमारास मोठा स्फोट झाला. स्फोटाची तीव्रता जास्त असल्यामुळे कंपनीचा परिसर मोठ्या प्रमाणात हादरला होता. या स्फोटाच्या हाद-यामुळे इतर दोन कंपन्यांचे देखील नुकसान झाले. आज रक्षा बंधन निमित्त कंपनीला सुटी होती. त्यामुळे जीवितहानी झाली नाही. या स्फोटामुळे परिसरातील नागरिकांमध्ये भीतीचे वातावरण पसरले होते. पाच – सहा महिन्यापूर्वी या भागातील मेट्रोपोलिटन कंपनीला देखील भीषण आग लागली होती. आज पुन्हा आगीची पुनरावृत्ती झाल्यामुळे केमिकल कंपन्या स्थलांतरित करण्याची मागणी पुढे आली आहे.
