जळगाव : घरगुती गॅस सिलेंडरचा व्यावसायिक वापरासाठी काळाबाजार करणाऱ्या तरुणाविरुद्ध एमआयडीसी पोलीस स्टेशनचे पोलीस निरीक्षक संदीप पाटील यांच्या मार्गदर्शनाखाली छापा कारवाई करण्यात आली. रामेश्वर कॉलनी परीसरात किरण भागवत पाटील हा घरगुती वापराच्या गॅस सिलेंडरचे व्यवसायीक सिलेंडर मध्ये रुपांतरीत करुन काळया बाजारात विक्री करीत असल्याची माहीती पोउपनि चंद्रकांत धनके यांना मिळाली होती.
त्या माहितीच्या आधारे पोलीस निरीक्षक संदीप पाटील यांच्या मार्गदर्शनाखाली एक कारवाई पथक तयार करण्यात आले. किरण पाटील याच्या घरातून घरगुती वापराचे 22 आणि व्यावसायिक वापराचे 32 असे 54 सिलेंडर आणि इलेक्ट्रिक प्रेशर मोटर असा एकूण 1 लाख 64 हजार रुपये किमतीचा मुद्देमाल हस्तगत करण्यात आला. त्याच्याविरुध्द एमआयडीसी पोलीस स्टेशनला गु.र.नं 88/2025 बीएनएस कलम 287 जिवनावश्यक वस्तु कायदा कलम 3,7 याप्रमाणे गुन्हा दाखल करण्यात आला आहे. या गुन्हयात किरण पाटील यास अटक करुन न्यायालयासमोर हजर करण्यात आले. न्यायालयाने 11 फेब्रुवारी पर्यंत त्यास पोलीस कोठडी सुनावली आहे. पोउपनिरीक्षक चंद्रकात धनके, अशोक काळे पोहेकॉ राजेंद्र कांडेकर, पौना, हेमंत जाधव, पोना योगेश बारी, पोकॉ सिध्देश्वर डापकर, योगेश घुगे आदींनी या कारवाईत सहभाग घेतला.
