जळगाव : चोरीच्या दोन मोबाईल सह चोरट्यास स्थानिक गुन्हे शाखेच्या पथकाने अटक केली आहे. तनवीर उर्फ तण्या शेख रहीम असे अटक करण्यात आलेल्या गेंदालाल मिल येथील रहिवासी व रेकॉर्डवरील गुन्हेगाराचे नाव आहे.
दि. 17 फेब्रुवारी 2025 रोजी रात्रीच्या वेळी शिवाजीनगर हुडको परिसरातील रहिवासी रवीना सोनवणे यांच्या घरातून दोन मोबाईल व दहा हजार रुपये रोख असा ऐवज चोरी झाला होता. या घटने प्रकरणी जळगाव शहर पोलीस स्टेशनला रितसर गुन्हा दाखल करण्यात आला होता. या गुन्ह्याच्या तपासात तनवीर यास अटक करण्यात आली. त्याच्या ताब्यातुन चोरीचे दोन मोबाईल हस्तगत करण्यात आले.
स्थानिक गुन्हे शाखेचे पोलीस निरीक्षक बबन आव्हाड यांच्या पथकातील पोलीस उपनिरीक्षक दत्तात्रय पोटे, सहाय्यक फौजदार अतुल वंजारी, राजेंद्र मेढे, पोलीस हवालदार विजय पाटील, अक्रम शेख, प्रवीण भालेराव, प्रदीप चवरे आदरणीय तपास कामी सहभाग घेतला. पुढील तपास व कारवाई सहाय्यक फौजदार सुनील पाटील करत आहेत.
