जळगाव : चोरीच्या दोन महागड्या बुलेटसह छ्त्रपती संभाजीनगरच्या तरुणास एमआयडीसी पोलिसांच्या गुन्हे शोध पथकाने अटक केली आहे. साजीद खान शकिल खान असे जळगाव शहरातील अजिंठा चौफुली परिसरातून ताब्यात घेण्यात आलेल्या तरुणाचे नाव आहे.
छत्रपती संभाजीनगर येथील एक तरुण चोरीची महागडी बुलेट विक्री करण्यासाठी अजिंठा चौफुली परिसरात येणार असल्याची माहिती पो.नि. संदीप पाटील यांना समजल्यानंतर त्याला ताब्यात घेण्यासाठी सापळा रचण्यात आला. त्याला बुलेटसह ताब्यात घेतल्यानंतर त्याला न्यायालयात हजर करण्यात आले. पोलिस कोठडीदरम्यान त्याने आपला अजून एक गुन्हा कबुल केला. त्याने अजून एक बुलेट पोलिस पथकाला काढून दिली.
अटकेतील साजीद खान याच्याविरुद्ध चंदननगर पोलीस स्टेशन पुणे शहर आणी सातारा पोलीस स्टेशन छत्रपती संभाजी नगर येथे मोटार सायकल चोरीचे दोन गुन्हे दाखल आहेत. पो.नि. संदीप पाटील यांच्या गुन्हे शोध पथकातील पोलिस उप निरीक्षक चंद्रकांत धनके, पोहेकॉ गणेश शिरसाळे, पोकॉ गणेश ठाकरे, राहुल रगडे, विशाल कोळी, योगेश बारी आदींनी या कारवाईत सहभाग घेतला. या गुन्ह्याचा पुढील तपास हे.कॉ. गणेश शिरसाळे करत आहेत.
