जळगाव : भुसावळ कडून मुंबईकडे जाणा-या रेल्वे रुळावर जळगाव शहरातील आत्महत्या कॉलनी भागात 22 एप्रिल रोजी तरुणाचा छिन्नविच्छिन्न मृतदेह आढळून आला आहे. या घटने प्रकरणी रामानंद नगर पोलिस स्टेशनला अकस्मात मृत्यूची नोंद घेण्यात आली असून मृतदेहाची ओळख पटवण्याचे आवाहन करण्यात आले आहे.
शासकीय वैद्यकीय महाविद्यालय व रुग्णालयाचे डॉ. रेणूका भंगाळे यांनी या प्रकरणी दिलेल्या खबरीनुसार रामानंद नगर पोलिस स्टेशनला अकस्मात मृत्यूची नोंद घेण्यात आली. 20 एप्रिल 2025 रोजी सकाळी नऊ वाजेपुर्वी कोणत्या तरी धावत्या रेल्वे खाली या तरुणाने आपला जीव गमावला आहे.
मयताचे अंदाजे वय 30 ते 35 वर्ष असून त्याचे शिर धडापासून वेगळे झाले. त्याचा डावा हात देखील धडापासून वेगळा झाला. त्याच्या उजव्या हातावर इंग्रजीमधे दिपक व डी तसेच मराठीमधे मॉ असे गोंदलेले होते. या मयत तरुणाच्या वारसांची ओळख पटवण्याचे काम रामानंद नगर पोलिस करत आहेत. कुणाला या वर्णनाच्या तरुणाची माहिती असल्यास त्यांनी जळगाव जिल्हा कंट्रोल रुम (0257-2223333), रामानंद नगर पोलिस स्टेशन (0257-2282864), हे.कॉ. सुशिल चौधरी (9823614041) या क्रमांकावर संपर्क साधण्याचे आवाहन करण्यात आले आहे.
