जळगाव : जळगाव लोकसभा मतदार संघाच्या मतमोजणी दरम्यान आतापर्यंत पाच फे-या आटोपल्या असून अद्याप भाजपच्या स्मिता वाघ त्यांचे प्रतिस्पर्धी करण पवार यांच्यापेक्षा 71338 मतांनी आघाडीवर आहेत. मतदारांनी पंतप्रधान नरेंद्र मोदी यांच्याकडे बघून मतदान केल्याचे जनतेत म्हटले जात आहे.
जळगावच्या पाचव्या फेरीत शिवसेनेचे करण बाळासाहेब पवार यांना एकुण 14081 मते पडली आहेत. पाचव्या फेरीअखेर त्यांना एकुण 78638 मते पडली आहेत. भाजपाच्या स्मिता उदय वाघ यांना पाचव्या फेरीत 31461 मते पडली आहेत. पाचव्या फेरी अखेर स्मिता वाघ यांना 150076 एवढे मतदान झाले आहे. जळगाव मतदार संघाच्या पाचव्या फेरी अखेर एकुण मतदान 245892 एवढे झाले आहे.
