पुणे : सर्वत्र लॉकडाऊनचा कहर सुरु असतांना मुंबई येथून बारबाला आणून त्यांना फार्म हाऊसवरील डान्स पार्टीत नाचवल्याप्रकरणी पुणे मनपा अधिका-याला निलंबीत करण्यात आले आहे. पुणे मनपाने या डान्स पार्टीची गंभीर दखल घेतली आहे. पार्टीत सहभागी झालेल्या ठेकेदारांनी केलेल्या कामांची गुणवत्ता आणि प्रत्यक्ष केलेली कामे यांची माहिती घेत बारकाईने तपासणी केली जाणार असल्याची माहिती मनपा अतिरिक्त आयुक्त डॉ. कुणाल खेमकर यांनी म्हटले आहे. अटकेतील बहुतेक जण हे ठेकेदार आहेत.
कुडजे गावातील लबडे फार्महाऊसवर हा धिंगाणा सुरु होता. मंगेश राजेंद्र शहाणे (32), रा. संतनगर, अरण्येश्वर), ध्वनीत समीर राजपुत (25), निखील सुनिल पवार (33), रा. पर्वती दर्शन, समीर उर्फ निकेश दिलीप पायगुडे (39), रा. आगळंबे फाटा, कुडे गाव, ता. हवेली, विवेकानंद विष्णु बडे (42), रा. नवी सांगवी, प्राजक्ता मुकुंद जाधव (26), रा. मिलिंदनगर, सांताक्रुझ, मुंबई, निलेश उत्तमराव बोधले (29), दोघेही रा. पुरंदर हाऊसिंग सासोयटी, म्हाडा कॉलनी, सुजित किरण आंबवले (34), रा. बालाजीनगर आणि आदित्य संजय मदने (24), रा. अंधेरी पुर्व, मुंबई या सर्वांना अटक करण्यात आली आहे. फार्म हाऊसचा व्यवस्थापक पायगुडे, पार्टीचे आयोजन करणारा अधिकारी विवेकानंद बडे आणि डान्सर मुलींना घेऊन आलेली प्राजक्ता जाधव यांना न्यायालयाने तिन मे पर्यंत पोलीस कोठडी सुनावण्यात आली आहे. इतर सर्व आरोपींची जामीनावर सुटका करण्यात आली आहे. अटकेतील बहुतेक जण पुणे मनपात ठेकेदार असून त्यात भाजपाच्या पदाधिका-यांचा देखील समावेश आहे. विवेकानंद बडे हा मनपाच्या सिंहगड रस्ता क्षेत्रीय कार्यालयात ज्युनियर इंजीनियर आहे.
