जळगाव : जळगाव शहर पोलिस उपविभागातील एमआयडीसी , शनीपेठ, रामानंद नगर, जळगाव शहर व जिल्हापेठ या पाच पोलिस स्टेशनमधे आतापर्यंत बेवारस मिळून आलेल्या 176 दुचाकी, तिनचाकी व चारचाकी वाहनांचा लिलाव होणार आहे. सदर लिलाव एमआयडीसी पोलिस स्टेशनच्या मागील मैदानावर 22 एप्रिल रोजी सकाळी आठ वाजेपासून होणार आहे. इच्छुक नागरिकांनी या लिलावात भाग घेण्यासाठी निर्धारीत तारखेला व वेळेवर हजर राहण्याचे आवाहन करण्यात आले आहे. लिलावात खरेदी करुन मिळालेल्या वाहनांची किंमत लिलाव संपताच जमा करायची आहे. त्यामुळे ती रक्कम सोबत आणावी लागणार आहे.
